Ang mga Overseas Filipino Workers (OFWs), o ang mga bagong bayaning Pilipino, ay maraming sinasakripisyo upang mabigyan ng magandang kinabukasan ang kanilang pamilyang naiwan sa Pilipinas. Kaya nararapat na ang kanilang pinaghihirapang kitain ay mapunta sa mabuting gamit. Isang paraan nito ay ang pagiging miyembro ng Pag-IBIG, isang savings program ng gobyerno.

Bago naisabatas ang Republic Act 9679, ang mga OFWs ay hindi kinakailangang magpa-rehistro. Ang mga nais sumali sa programa ay boluntaryong nagiging miyembro sa Pag-IBIG Overseas Program o POP. Ito ay naglalayong bigyan ang mga OFWs ng pagkakataon na makapagipon at makakuha ng housing loan, kung sakaling sila ay bibili na ng bahay.

Ngunit dahil ginawa ng mandatory ang pagiging miyembro sa Pag-IBIG, paano ito makakaapekto sa membership ng mga OFWs na unang naging miyembro ng POP o ng bagong programa? Ano ang mangyayari sa mga kontribusyon sa ilalim ng POP? Isasama ba ito sa kasalukuyang hulog ng OFWs?

Ito ang mga dapat malaman ng OFWs tungkol sa RA 9679:

1. Republic Act 9679 of the Home Development Mutual Fund Law of 2009

Mas kilala bilang Pag-IBIG Fund Law, ang batas na ito ay naglalayong paangatin ang kalidad ng buhay ng mga Pilipino sa pamamagitan ng pagbibigay ng tulong pabahay sa bawat miyembro. Ito din ay nagbibigay daan upang makapagimpok ang bawat mamamayan para sa kinabukasan nila at ng kanilang pamilya.

Kapag natapos na ng OFW member ang 240 buwanang kontribusyon, o ang 20 taon na maturity period, maari na niyang kunin ang kabuuang halaga ng kanyang naipon. Kasama na din dito ang katumbas na kontribusyon na inihulog ng kanyang mga naging employer (kung mayroon) pati ang dibidendo na kinita nito.

2. POP Membership vs. Pag-IBIG I (RA 9679)

Ang Pag-IBIG Overseas Program ay ang dating voluntary program ng Pag-IBIG para sa mga Pilipinong nagtratrabaho sa ibang bansa. Subalit mula ng maisabatas ang RA 9679 noong Enero 2010, naging mandatory o kinakailangan na sa land-based o sea-based OFW na maging miyembro sa ilalim ng Pag-IBIG I program. Ito ay nagnanais na bigyan ang lahat ng Pilipino, nagtratrabaho man dito o sa ibang bansa, ng pantay na pagkakataon para makaipon at marating ang kanilang pangarap na magkaroon ng sariling bahay.

Sa kabilang banda, ang Pag-IBIG membership ay nananatiling boluntaryo para sa mga immigrants at kumuha ng naturalized citizenship sa ibang bansa.

3. Paano maging miyembro?

Bawat OFW ay kinakailangan na magpa-rehistro bago sila umalis sa Pilipinas o bago sila bumalik galing sa ibang bansa. Kahit pa ang OFW ay miyembro na ng POP, dapat siyang magpa-rehistro sa Pag-IBIG I program.

Para sa mga nasa ibang bansa pa, maari silang magpa-rehistro sa opisina ng Pag-IBIG na nasa embahada o consular office. Kailangan nilang magpasa ng nasagutang Membership Registration Form (MRF-FPF095) o Membership Data Form (MDF-FPF0909). Maaring idownload ang form sa website ng Pag-IBIG.

Para sa mga nagiintay pang makaalis ng bansa, maari silang bumisita sa alinmang Pag-IBIG Branch malapit sa kanila o sa opisina nila sa Philippine Overseas Employment Agency (POEA) Headquarters sa Mandaluyong City. Maari din silang pumunta sa Pag-IBIG Fund International Operations Group na matatagpuan sa 6th floor ng Justine Building sa Makati City. Mayroon din piling bangko at remittance centers na kinikilala ng Pag-IBIG kasama na ang Metrobank, Philippine National Bank, and iRemit Global Remittances Inc.

4. Magkano ang monthly contribution?

Ayon sa Pag-IBIG, ang pinakamababang maaring ihulog ng miyembro kada buwan (minimum contribution) ay Php 100. Subalit kung nais ng OFW na magkaroon ng pagkakaton na makakuha ng housing loan, kinakailangan niyang maghulog ng Php200. Ang halaga nito ay katumbas ng kasalukuyang halaga ng palitan ng piso.

Ang lahat ng kontribusyon ay sagot ng OFW, maliban na lamang kung nag-alok ang kanyang banyagang employer na magbigay din ng kontribusyon.

Kung sakaling nais ng OFW na maghulog ng mas malaking halaga, maari nilang gawin ito. Hinihikayat ng Pag-IBIG ang mga miyembro na maghulog ng mas malaking halaga upang kapag dumating na sa maturity period, o matapos ang 20 taon, mas malaki rin ang halagang makukuha nila. Kasama din dito ang tax-free na dibidendo.

Para magbayad ng kontribusyon, maaring pumunta ang OFW sa opisina ng Pag-IBIG na nasa embahada o consular office ng Pilipinas kung saan sila nagtratrabaho. May mga accredited remittance centers at bangko din kung saan sila pwedeng maghulog. Basahin ang iba’t ibang paraan ng pagbabayad ng kontribusyon at loan payments. Maari ding bisitahin ang website ng Pag-IBIG para sa mas malawak na kaalaman sa pagbabayad at pati ang listahan ng remittance partners at accredited na bangko.

Paano ang mga naihulog na sa POP?

Ayon sa Pag-IBIG, ang kontribusyon sa POP ay hindi isasama sa Pag-IBIG Fund. Bagkus isasama lang ang bilang nito kung ikaw ay kukuha ng housing loan. Hinihikayat ang mga nakapagsimula nang maghulog sa POP na ipagpatuloy ito hanggang umabot sa maturity period, kung saan maari na din nilang kunin ito.

Benepisyo ng isang Pag-IBIG member

Maraming benepisyo sa pagiging Pag-IBIG member. Ito ay nakakatulong sa inyo para makapagipon at magkaroon ng pagkakataon na makakuha ng short-term loans. Ngunit isa sa pinakaimportanteng benepisyo nito, at pinakapopular na din, ay ang pagkakataon na makakuha ng housing loan. Kapag nais ng bumili ng bahay, madaming Pilipino ang nagtatanong kaagad kung paano kumuha ng Pag-IBIG housing loan.

Ano ang mga karanasan ninyo bilang OFW sa Pag-IBIG Fund? Maari kayong magiwan ng komento sa ibaba para maibahagi ito.

(Image source: www.manilareviews.com)


Like What you've read?

If so, please join our newsletter and receive exclusive weekly home buying tips, financing guides and Philippine real estate news. Enter your email and click Send Me Free Updates
  • Rc Lavarias

    Mam, bago ba aprubahan ng pagibig ang bagong myembro na nag lump sum ng 24mos ay kelangan munang mkapagcontribute ng 6-12mos bago maaprubahan?

    • Hi @rclavarias:disqus! Ayon po sa Pag-IBIG dapat contributing member for at least 12 months o 1 year. Puwede niyo pong i-visit yung website ng Pag-IBIG to learn more about their eligibility requirements. Hope this helps!

      • Rc Lavarias

        Mam, kapag ofw ganun din ba? Hndi continues ang paghuhulog ng asawa ko. Ofw xa, kng maglalumpaum ba kelangan pa namin magcontribute at mghntay ng 12mos pra makaapruba sa housing loan ng pagibig?

        • Ang alam ko po parehas lang din ang eligibility requirements nang lahat nang Pag-IBIG members. You can verify it with a Pag-IBIG representative para po ma-assist nila kayo. You may call them at their hotline 724-4244.

  • Jonathan sarria

    Mam Ofw po aq and my loan po aq 5 years ago hnd q p po nbbyaran pero continious nman ang hulog q kc nging mandatory ang pg hulog ng isang OFW,so malaki po b ang penalty q or pwede q po b byaran ng buo ung ni loan q?thanks..

    • Hi Jonathan sarria! Sa pagkakaalam ko po ang penalty ay 1/10 of 1% of the monthly contribution due per day. Re sa pagbabayad ng buo, ang alam ko puwede din po. At least that way mas mababa yung interest na mababayaran ninyo. For clarifications, makipagugnayan na din po kayo sa Pag-IBIG.

      You can read our article here on how you can save up on your amortization payments:

      http://www.zipmatch.com/blog/save-on-home-amortization-payments

      Hope this helps po!

  • Marie Bulauan

    Sir ask lng po qung pwede po mag bayad ng 2year agad and 2500 monthly para po makapag loan ng housing pwede po ba un ganun

    • Hi @mariebulauan:disqus! Ayon po sa Pag-IBIG, dapat contributing member for at least 12 months o 1 year bago puwedeng magbayad ng lump sum. Puwede niyo pong i-visit yung website ng Pag-IBIG to learn more about their eligibility requirements. Hope this helps!

  • Jonathan sarria

    Thank you very much mam Zip Antonio.godbless!!

  • Yoshirou Ai

    pwede bang mag pa myembro over abroad ?

    • Hi Yoshirou Ai! Opo, maari kayong magpamember kahit nasa abroad na kayo. Maari po kayong magregister online through Pag-IBIG’s website >

      https://www.pagibigfundservices.com/pubreg/starter_page.aspx

      O katulad po ng nabanggit ko sa #3, maari din po kayong personal na pumunta sa Pag-IBIG Information Desk na nasa Philippine Embassy or Consular Office kung saang bansa kayo nakabased. Kailangan niyo pong magsubmit ng Membership Registration Form (MRF-FPF095) na maari ninyong i-download.

      Hope this helps! :)

  • tophe

    naghulog ako ng aking contribution ayon sa braket ng halaga or amount ng kinuha kong bahay..ang tanung mag iisang buwan na bakit di nakikita sa update ng contribution ko..dapat pumasok na dba?sa alkhobar KSA aq nag hulog.please sino may idea?

    • Rizza Estoconing Sta Ana

      Hi tophe. Pwede po kayo pumunta sa Philippine consular or embassy diyan sa KSA at magtanong regarding sa hulog nyo. Ang alam ko po merong PagIBIG na satellite branches na pwedeng mapagtanungan.

      http://www.pagibigfund.gov.ph/directory/overseas.html
      LACSAMANA P. TUAN
      MEMBER SERVICES OFFICER

      Mobile No.: +966507181849
      Email: popalkhobar@pagibigfund.gov.phc/o SKYFREIGHT FORWARDERS
      1st St. cor. King Fahad St., P.O. Box 2539, Alkhobar KSA

      • tophe

        Ok na po ito Ma’am, naka update na po ang latest payments ko ..

        thanks for your good reply.

        Chris I. Sailog

        *Abstract Noise Mobile*
        *Proprietor*
        *09074457685*

  • Rheajean

    Hello po, more than 3yrs na po ako as ofw and since umalis po ako ng pinas hnd na po ako nkpag hulog ng contributions pati na din sa calamity loan ko. Andto pa din po ako sa ibang bansa, Pano ko po ito maitutuloy o ma update ang payments at contribution ko ..balak ko po kc snang mag avail ng housing loan.. Slmat po..